518                                               REGISTRES DU BUREAU                                           [i558]
DCCCCLXXXI.— Procession généra
16 janvier 1558
L'an mil cinq cens cinquante sept, le dimenche xvi6 jour de Janvier, le Roy feist une procession so­lempnelle pour rendre graces à Dieu de la prinse de Calais, où assistèrent Mess™ de la Ville de Paris mandez par led. S8*, ainsi qu'il ensuit.
Premierement :
Mess" les Prevost des Marchans, Eschevins, partirent de l'Ostel de lad. Ville à sept heures et demye du matin pour aller droit à la Saincte Chap­pelle.
Et marchoient devant eulx à pied les archers, ar­balestriers et hacquebutiers, vesluz de leurs hocque-tons de livrée, et ung baston de torche blanc de quatre pieds à la main.
Après, marchoient les dix sergens de lad. Ville, vestuz de leurs robbes my parties, et leur navire d'argent sur l'espaulle.
Après, marchoient les Mess™ les Prevost des Mar­chans, Eschevins et Greffier, montez sur leurs niulles et vestuz de leurs robbes my parties.
Après, marchoient Mess1'5 les Conseillers, à che­val, vestuz de leurs bon/, habitz.
Après, marchoient les seize Quarteniers et les quatre Bourgeois mandez de chascun quartier, à cheval, tous vestuz de leurs habitz.
Après lesd, seize Quarteniers et les quatre Bour­geois mandez marchoient plusieurs archers, arbales­triers, qui estoient demourez derriere pour eviter à la foulle du peuple.
Et allerent mesd. S™ en tel ordre jusques en la Court du Palais, où ilz descendirent près les grans degrez; puis montèrent iceulx et allerent droict a la Saincte Chappelle saluer les Sainctes Reliques.
Incontinant le Roy, la Royne et les Dames vin­drent à la Saincte Chappelle; et estoit le Roy acom-paigné de Mess™ les Cardinaulx de Bourbon, de Lorraine et de Guise'1'.
Et fut célébrée la grande messe solempnellement, el chantée par les chantres du Roy.
A la fin de laquelle l'Apoticaire dc la Ville entra dedans le cueur, et bailla ausd. S™ Prevost des Mar­chans, Eschevins, Greffier, à chascun ung cierge
LLE ET SOLEMPNELLE FAITTE PAR LE Roy.
;. (Fol. 273 v°.)
blanc d'ung quarteron pour porter à la procession, et eu bailla aussi à Mess" les Conseillers et Quarte­niers qui estoient assistans.
Ce faict, Mesd. Srset leursd. Compaignée sortirent de lad. Saincte Chappelle, et allerent attendre le Roy au bout des degrez du costé de la Chambre des Comptes, soubz l'auvent du mercier estant au pre­mier parron desd, degrez, tous par ordre, tenans leurs cierges allumez pendant que les quatre Man­dians et leurs reliquaires passoient.
Après lesd, quatre Mandians, marchoient toutes les Parroisses de Paris, et leurs reliques, tous chan-tans en grande devotion.
Après, marchoit l'Eglise de Paris.
Après, marchoit l'Université avec les Doyens des quatre Facultez, vestuz de leurs habitz et chappes fourrées acoustumez.
Après, marchoient les Suisses du Roy au son du tabourin.
Après, marchoit la Saincte Chappelle, et les chantres du Roy qui chantoient mélodieusement.
Après, marchoient Mess™les Evesques.
Après, Mess™ les Cardinaulx.
Après eulx, estoit porté le Ciel dessus la Saincte Croix de victoire.
Après, estoit porté ung autre beau ciel dessous la saincte Couronne d'Espine de Nostre Seigneur.
Le Roy marchoit après les dittes Sainctes Reli­ques, vestu d'une courte robbe de velours noir.
Près et à costé de luy marchoit la Royne aussi à pied, et derriere elle estoient Mesdames, Madame Marguerite et autres Princesses et Gentilzhommes de leur Maison.
Après, marchoit la Court de Parlement, du costé dextre, vestuz de robbes d'escarlate; et Mess™ de Ia Ville, du costé senestre.
Et à l'entrée de la premiere porte du Palais, Mess™ des Comptes se vindrent mettre aux aelles de lad. Court, au devant de Mess" de la Viile; et marchèrent en tel ordre jusques en l'Eglise de Paris, où Mess™ de la Court se misrent aux haultes chaizes du costé dextre, et Mess™ de la Ville au costé senestre comme ilz ont acoustumé.
O Sur ces prélats, voir respectivement ci-dessus page 491 note 5, page 143 note 9, et page 5o4 note 3.